Hoërskool Ben Viljoen se hengelaars het aan ligabyeenkomste van die hoërskole varswater-oewerhengelkompetisie deelgeneem.
Tydens die derde ligabyeenkoms het die skool se spanne onderskeidelik in die sesde en sewende plekke geëindig.
MJ de Beer het ook die grootste karp vir die dag gevang wat ’n allemintige 6.82kg geweeg het.
Die vierde byeenkoms het plaasgevind by die Nyl Biodiversiteit Dam in Mokopane.
Hoërskool Ben Viljoen se spanne eindig die hengelseisoen in onderskeidelik die vyfde en sewende plekke, en Leon van Rooyen verwerf ’n bronsmedalje vir die dag.
Dewald du Plessis eindig algeheel negende in Limpopo en word gekies om Hoërskool Ben Viljoen en Limpopo te verteenwoordig tydens die Suid-Afrikaanse skolekompetisie by die Bloemhofdam.
Jaco Bouwer word as reserwe gekies vir die uitnodigingspan wat ook gaan deelneem by Bloemhofdam.