Kushiswe osolwa ngokunukubeza nokubulala umfundi
Ngokusho kwelunga lomphakathi elingathandanga ukudalulwa, uMnuz. Mthembu uyamaniswe nalesi sehlakalo sokudlwengula nokubulala ngembandada etholakale endaweni, lapho kutholwe khona isidumbu salomfundi
UBULAWE ngesihluku obesolwa ngokudlwengula nokubulala ingane yesikole, uNksz Siphelele Mbatha (17), obefunda umatikuletsheni eQhamuka High School.
Izinkumbi zabantu baseMacekane batheleke ngobuningi bazo e-Chocolate City Park, ngoLwesine ebusuku ukuzozibonela ngamehlo, kubulawa ngokushiswa komsolwa uLindo Mthembu (26).UMthembu ubesolwa ngokudlwengula nokubulala uNksz. MbathaUMzolwa ubanjwe ngamalungu omphakathi ebhace ezintabeni zaseMatshana, abuyela naye eMacekane, nokuyilapho afike wabulawa khona maqede wafakwa amathayi wabe esethungelwa ngomlilo kubuka umphakathi.Lomfundi waseQhamuka wanyamalala ngoMsombuluko ntambama, ebuya esikoleni. Isidumbu sakhe satholakala ngoLwesibili ehlathini elibuqamama nakubo, sinezinkomba zokudlwengulwa nokuklinywa.
Ngokusho kwelunga lomphakathi elingathandanga ukudalulwa, uMnuz. Mthembu uyamaniswe nalesi sehlakalo sokudlwengula nokubulala ngembandada etholakale endaweni, lapho kutholwe khona isidumbu salomfundi.
Umthombo uthi ukuthungathwa komsolwa kuqale ngoLwesithathu kusihlwa, lapho umsolwa ebonakale endaweni, nokuthe uma amalungu omphakatui emjaha, wakwazi ukuphulukundlela wabaleka.
‘NgoLwesine amanye amalungu omphakathi, avuke ayomzingela aze amthola, njengoba ebebhace ezintabeni zaseMatshana, abuya naye ephila,’ kubeka leli lungu lomphakathi ebelikhombisa ukukitazeka ngokubulawa kwalomsolwa.
Ngesikhathi kubulawa umsolwa amalungu omphakathi aqhamuka nkalo zonke zaseMacekane, abuthane ngobuningi bawo ukuzozibonela obekwenzeka.Amanye ebecula ekhombisa injabulo, amanye edlala ezingoma ezimotweni zawo ukukhombisa ukuthokozela obekwenzeka.Umthombo uqhube wathi ukutheleka kwamaphoyisa, akusizanga ngalutho ngoba umsolwa besevele esevutha amalangabi. Abe esebiza abezicishamlilo ukuthi, azocisha isidumbu ebesisha ubuhanguhangu.
Okhulumela amaphoyisa esiFunda saseKing Cetshwayo, uKapteni Mbongeni Mdlalose uthe, amaphoyisa aseMpangeni asevule icala lokubulala kodwa akukaboshwa muntu.
* Suspect burnt to death as community rejoices
HAVE YOUR SAY
Like our Facebook page and follow us on Twitter
For news straight to your phone invite us:
WhatsApp – 072 069 4169
Instagram – zululand_observer
