Kuzokwenyuswa imali yamabhasi
Lokhu kwenyuka kwemali kuzohlanganisa nemizila yamabhasi ehambela eShowe, Empangeni naseGingindlovu
ENYE yezinselelo ebhekene nemboni yezokuthutha, ngokwenyuka kwezindleko njalo, lokhu okuba nomthelela omubi kubagibeli.
Lezi zindleko zihlanganisa phakathi kokunye uphethiloli, amasondo kanye nezindleko zezincwadi zokushayela.
Kuso sonke lesi simo, inhlangano yamabhasi iKZN Bus Service, esebenzela ngaphansi koMasipala waseMlalazi, isihlale iminyaka emithathu ingayenyusi imali yokugibela.
Ngemuva kwezingxoxo ebezishubile phakathi kwalenhlangano yamabhasi nomasipala, kugcine kufinyelelwe esivumelwaneni sokuba yenyuswe imali yokugibela amabhasi.
Lokhu kwenyuka kwemali yamabhasi kuzohlukana kusukela kumaphesenti ayisishiyagalombili kuya kwayishumi, kuye ngemizila leyo okuhamba akuyo amabhasi, futhi lokhu lezinguquko zokwenyuka kwemali zizokhonjiswa nasemahhovisi okushaya amathikithi nasemabhasini.
Phakathi kwezinhlaka zomphakathi ebeziyingxenye yalomhlangano, izinduna, amakhosi, amamele amakomidi amaWadi kanye nezinye izinhlaka ezisemkhakheni wamabhasi.
Lokhu kwenyuka kwemali kuzohlanganisa nemizila yamabhasi ehambela eShowe, Empangeni naseGingindlovu.
– Increase in bus tariffs announced
HAVE YOUR SAY
Like our Facebook page and follow us on Twitter.
For news straight to your phone invite us:
WhatsApp – 072 069 4169
Instagram – zululand_observer