Tegnies slaag in hul doel

Die Hoër Tegniese Skool se eerste netbalspan het ’n pragtige oorwinning van 30-22 behaal teen Hoërskool Middelburg tydens die Nkangala uitspeel-wedstryde.

Die doele van HTS se eerste netbalspan, Mandalee Kotzé en Anell Smit het onderskeidelik ’n doelgemiddeld van 82% en 80% behaal in hul wedstryd teen Hoërskool Middelburg.

HTS het goeie netbal gespeel op Saterdag 31 Mei en goeie druk toegepas in Middelburg se doelsirkel. By die ander doelpale het Mandalee Kotzé en Anell Smit die doele vir HTS ingeryg.

In die wedstryd teen HTS Middelburg het HTS gesorg dat Middelburg hul kleinste oorwinning in sewe jaar teen HTS behaal het: 41-16. Die o.14 A-span het die o.14 (2) span van Middelburg Tegnies verslaan met 9-8.

Tydens die Nkangala uitspeel-wedstryde tussen Witbank en Middelburg het die A-spanne van HTS almal deurgedring na die Mpuamalanga Kampioenskappe op 20 en 21 Junie te Witrivier.

Die posisies vir Nkangala-streek is soos volg: o18A no.2, o17A no.4, o.16A no.3, o15A no.4 en o.14A no.4.