HTS krieket staan uit bo die res

HTS se eerstespan dring deur na die krieket finaal.

(Agter): Marjaen Fourie, Jonathan Poczik, Daniel Range, Hendre Schoeman, Romardo Spies en Luan Luus en (voor): Hanru Henning, Petrus Jansen van Vuuren (kaptein), Enrico Faul, Jacques Botha (afrigter), Drystan Septhon, Rueben van der Merwe en Christiaan du Plessis. (Afwesig): Peter Venter (afrigter) en Pieter Furstenberg.

Die Hoër Tegniese Skool het uitstekend gevaar in die krieket seisoen.

Die skool se eerstespan is as die Premier Liga (Nkangala- en Gert Sibande-streek) wenners gekroon.

Die span dring deur na die finaal wat in die vierde kwartaal plaasvind.

Die leerders maak vir seker hul skool trots en staan reg vir die finaal wat op 22 Oktober plaasvind.

Volgens die afrigter, Jacques Botha is dit die eerste keer in ŉ lang tyd dat die eerste krieketspan in die finaal gaan speel.

Die span speel op 15 Oktober ’n toets ter voorbereiding vir die finaal.

Die finaal vind by Uplands College in Witrivier plaas.

Deel jou nuusbrokkies met ons per Telefoon: 013 656 2490 Epos: info@witbanknews.co.za of volg ons op sosiale media platforms Instagram Twitter Witbank News App Facebook page Witbank News Breaking