Nocturne is amper ’n tiener
Baie geluk aan dié tak wat hull everjaarsdag verlede week gevier het.
![](https://images.caxton.co.za/wp-content/uploads/sites/105/2024/01/Zg13-1-Medium-780x470.jpg)
Die Vroue Landbou-unie Nocturne-tak het hul 12de verjaarsdag gevier.
Die tak het Donderdag, 11 Januarie tussen pienk en wit ballonne, pragtige gedekte tafels en heerlike smulhappies dié mylpaal gevier.
Die aandtak is in Januarie 2012 gestig en Nocturne beteken ‘aand’ in Latyns.
![](https://images.caxton.co.za/wp-content/uploads/sites/105/2024/01/Zg13-2-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-3-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-4-Medium-520x347.jpg)
Wilma van Zyl, die tak se voorsitter, het ’n oorsig oor die tak se totstandkoming en geskiedenis gedeel.
Die eerste voorsitter was Marinda Hattingh met Wilma wat die stoel as vise-voorsitter ingeneem het.
Elaine Pretorius was destyds die sekretaresse, Michelle Smith tesourier, Anel Grobler skakelbeampte en Elise Vorster sameroeper.
Vandag spog die tak met 38 lede.
![](https://images.caxton.co.za/wp-content/uploads/sites/105/2024/01/Zg13-5-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-6-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-7-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-8-Medium-267x400.jpg)
“Wanneer ek oor die afgelope 12 jaar terugkyk, is ek dankbaar vir elke vriendin wat deel van die tak geword het,” het Wilma gesê.
![](https://images.caxton.co.za/wp-content/uploads/sites/105/2024/01/Zg13-9-Medium-267x400.jpg)
![](https://images.caxton.co.za/wp-content/uploads/sites/105/2024/01/Zg13-10-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-11-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-12-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-13-Medium-520x347.jpg)
Sy het haar verslag oor die tak se doen en late van verlede jaar voorgelees en tussen die lyne was dit duidelik, dié tak is baie besig.
Die aand is afgesluit met ’n prysuitdeling vir al die tak se items waartydens lede teelepeltjies en sertifikate ontvang het.
Elsie Greaves het die eerste plek ingeneem met 776 punte, tweede was Laura Willer met 761 punte en derde Lenie Swan met 556 punte.
Wilma het die vierde plek haar eie gemaak met 545 punte, Vikki van der Merwe het vyfde plek gekry met 535 punte, Dora Grobler sesde plek met 500 punte en Karen Oberholzer sewende plek met 402 punte.
Negentien lede het vir die eerste keer ingeskryf en elkeen ’n teelepeltjie en luide handeklap ontvang het.
![](https://images.caxton.co.za/wp-content/uploads/sites/105/2024/01/Zg13-14-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-15-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-16-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-17-Medium-520x347.jpg)
![](https://images.caxton.co.za/wp-content/uploads/sites/105/2024/01/Zg13-18-Medium-520x347.jpg)
Het jy ’n storie om te vertel?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.