Plaaslike perdry-instrukteur vat vier plekke tydens dressuur-kompetisie

Danéll van Rooyen, perdry-instrukteur en afrigter van Zalala Equestrian Centre  het onlangs aan haar eerste dressuur-kompetisie deelgeneem.

Sy het twee perde deurgevat, Passionate Lad haar eie perd en vir Louwvliet Franja wat aan Zonia van der Westhuizen behoort.

Die OPPO Christmas Betty Burgess Annual Trophy Show by Mataffin Equestrian Centre is op 11 Desember in Nelspruit gehou.

“Ek het in dieselfde klas deelgeneem met al twee perde. Ek het onlangs gegradeer, en die is my eerste groot skou met beide perde,” het sy opgewonde vertel.

Danéll het in twee klasse gery ‘Dressage Graded Adult Prelim 3 en 4’.

Dit is twee toetse wat mens ry, waarop jy beoordeel word en punte kry. Dan kry jy ’n persentasie en so kies hulle die wenner.

In die ‘Graded Adult Prelim 3’ het sy tweede geëindig met 63.54% op Louwvliet Franja se rug en derde met 60.41% op Passionate Lad.

In die ‘Graded Adult Prelim 4’ het sy tweede geëindig met 62.17% op Passionate Lad en vierde met 59.78% op Louwvliet Franja.

“Ek het die skou regtig baie geniet, ek ken Mataffin baie goed, ek was daar op skool toe ons in Nelspruit gebly het en ek het daai tyd my perde daar gestal, was lekker om weer terug te gaan daarheen en weer in daai arenas te kan ry,” het Danéll opgewonde vertel.

Sy het gesê sy sien uit na volgende jaar om elke keer die twee perde se persentasies hoër te kry en beter tellings te kry.

“Dit was ’n lekker manier om die jaar af te sluit met die skou,” het sy gesê.

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste.
• Jy kan ons ook volg op sosiale media platforms: Facebook, Twitter of Instagram

HET JY GEWEET?

Kliek op die woorde wat in kleur uitgelig is om meer te lees oor verwante temas.