Legendes groet die jaar met ’n gebrul van enjins
Norman Griffiths wat die nasionale president van Private Riders is het die wegbreeknaweek gereël.
Motorfietsbyeenkomste of ‘old-school-rallies’, soos dit in motorfietskringe bekendstaan is iets wat vir dae se onthou-geselsies kan sorg.
Op 16 en 17 Desember het die plaaslike motorfiets-legendes by The Barn bymekaargekom en net soos in die ou dae gekuier, om ’n braaivleisvuur gesels en stories van die ou-rallies oorvertel.
“Dit was net ’n lekker bymekaarkom-geleentheid. Dit was lekker om op te vang en die manne het nog nie hulle ‘touch’ verloor nie. Al wat hulle saamgebring het, is wat ook al op die agterkant van die motorfiets kon pas. Daar was geen ‘fancy’ chalet of hotelkamer nie, daar waar jy lê, daar het jy geslaap,” het Norman Griffiths, nasionale president van Private Riders vertel.
Die naweek was moontlik gemaak deur Norman en Willie Grant wat letterlik op twee wiele grootgeword het.
Norman en Willie het almal bedank wat die naweek saamgekuier het en gesê daar gaan nog vele van die kuiertjies in 2024 plaasvind.
Het jy ’n storie om te vertel?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.
