SAVF Immergroen se Kersete het jou weer laat besef waaroor Kersfees gaan.
Op Woensdag, 29 November het Kersvader by die bejaardes kom kuier en geskenke uitgedeel.
Die seremoniemeester, Pieter Boshoff het die aand opgekikker met grappies wat hy tussendeur vertel het.
Toe Kersvader van stoel na stoel stap en ’n geselsie met elke inwoner aangeknoop het, is daar skelm ’n traan afgevee en is die liggies in die bejaardes se oë aangesteek.
“Die mooiste geskenk is die liefde in elke bejaarde se oë,” het Kersvader opgemerk.
Pastoor Ledge Saunders het die skiflesing en gebed waargeneem en die geboorte van Jesus op sy eie unieke manier vertel.
Daar is heerlik gesmul aan ’n watertand-ete en die lekkerste vrugte en roomys nagereg voordat die inwoners tou gestaan het vir ’n foto’tjie saam met die ‘Man in Rooi’.
SAVF Immergroen se bestuur bedank almal wat bygedra het tot die spesiale aand.
Het jy ’n storie om te vertel?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.