Oud-Springbok sterf in ongeluk op N4
Die ongeluk wat die bekende voormalige Springbokslot se lewe geëis het, het Sondagaand 19 November skuins voor 22:00 gebeur.
Die voormalige Springbokslot Hannes Strydom is gisteraand dood in ’n ongeluk op die N4 tussen Kromdraai en Balmoral.
Volgens Solange Soares Nicholson van TRAC het die ongeluk omstreeks 21:56 gebeur.
#TRACN4route 19/11 at 22:14. #Crash btw Kromdraai IC + Balmoral IC (N4/2 KM 6.2W) #eMalahleni WB Closed. Please be patient.
— TRAC N4 Toll Route (@TRACN4route) November 19, 2023
“’n Bakkie en minibus was in die ongeluk betrokke,” het Soares gesê.
Sy het gesê die ongeluk het die lewe van twee mense geëis en vier is ernstig beseer.
Die bekende sportskrywer André Bester van SupaRugby het gesê Strydom het in 21 toetse vir Suid-Afrika gespeel en 115 keer vir Transvaal.
Hy het ook vir Noord-Transvaal en die OP uitgedraf.
“Saam met Hannes is daar nou ses mense van die 1995-eindstryd oorlede. Die name sluit in Ruben Kruger, James Small, Chester Williams, Joost van der Westhuizen en die afrigter Kitch Christie,” het Bester gesê.
Het jy meer inligting oor dié artikel?
Stuur vir ons ’n epos na info@witbanknews.co.za of bel ons by 013 656 2490
• Vir meer brekende- en gemeenskapsnuus, besoek gerus ons webtuiste.
• Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.
