Edenpark-inwoners help met water
Druppel vir drupel maak inwoners van Edenpark ’n verskil.
Inwoners van Edenpark Aftreeoord en Anet Jansen het meer as hul deel gedoen om water in te samel vir die Rizpah Bediening se liefdadigheidsorganisasie.
Die inisiatief is deur Wyk 33 raadslid Kim Faduk op die been gebring en sy het die aftreeoord genader wat sy ook met trots haar ‘VIP-inwoners’ noem.
’n Totaal van 140 liter water is ingesamel.
“Ek poog om vir ’n week in te samel en vra almal se hulp hier rondom. Ek vra vir gebottelde water in enige hoeveelheid, selfs vyf liters vir Rizpah se nie-winsgewende liefdadigheidsorganisasie. Rizpah se doel is om versorging te bied vir kwesbare kinders in eMalahlnei, omtrent 50 kinders is in pleegsorg by hulle. Die kinders word gevoed, geklee, opgevoed en is geliefd deur die besonderse personeel in die vyf tuistes,” het Kim vertel.
Kim het ook bygelas dat dié wat bydra, opreg waardeer word en dat donasies afgelewer of opgetel kan word.
Vir verdere inligting kan Kim geskakel word by 074 901 2152.
Het jy ’n storie om te vertel?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste HYPERLINK “https://www.citizen.co.za/witbank-news/”.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.
