Gaan koekeloer in ‘God se apteek’ en leef gesonder

“Leef gesonder deur natuurlike middels te gebruik,” dit was die boodskap wat gasspreker by die Vroue Landbou-unie Nocturne-tak se vergadering gedeel het.

Me. Hanli Swanepoel het die dames Donderdag,7 September vertel van die voordele van natuurlike olies.

“Laventel het kalmerende eienskappe, dit bring stresvlakke af en help met jou slaappatroon,” het Hanli gesê.

Suurlemoenolie het sy gesê is ’n moet langs jou wasmasjien. Niks haal kolle so vinnig uit soos dié olie nie.

Dan het sy ook verwys na Teeboomolie wat as ’n natuurlike ontsmettingsmiddel dien.

Dit is altyd lekker om by die Vroue Landbou-unie se Nocturne-tak, wat vriendinne geword het, te gaan kuierhttps://t.co/pKarZVcR0c#VLU #Nocturne #WitbankNews #communityengagement

— WitbankNews (@WitbankN) April 22, 2023

Lede het die kans gekry om ’n druppel peppermentolie en lemoenolie in hulle handpalms in te vryf en in te asem.

Almal het saamgestem dat die sinusse dadelik oopgegaan het en hulle ook op en wakker gevoel het.

“Die gebruik van natuurlike olies kan ons geestelik en ons gesondheid ingrypend verander,” het Hanli gesê.

Die aand is verder aangevul met tafels wat gekreun het onder die smulhappies, gelukstrekkings en lekker geselskap en natuurlike baie vrae oor die gebruik van die essensiële olies.

Talitha Taljaard Share is deur die tak verwelkom as ’n nuwe lid. Die tak spog nou met 37 lede.

Plaaslike nuus | VLU Nocturne pak bottels vol heilsaamheid.https://t.co/KDG1ZGqVGC

— WitbankNews (@WitbankN) September 10, 2022

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490
• Vir meer brekende- en gemeenskapsnuus, besoek gerus ons webtuiste.
• Jy kan ons ook volg op sosiale media platforms: Facebook, Instagram of Twitter.

HET JY GEWEET?
Kliek op die woorde wat in kleur uitgelig is om meer te lees oor verwante temas.