Laerskool Taalfees het Astro-baan in oog met gholfdag-fondse

Laerskool Taalfees bedank die 22 borge vir hul ondersteuning en ook elke speler wat kom saamspeel het.

Die span van Taalfees reg vir die dag se aksie: André van Vollenstee, Johann du Plessis, Kobus Hanekom en Tienie Prinsloo.

Laerskool Taalfees het ’n super-lekker gholfdag aangebied aan die begin van die naweek.

André van Vollenstee moker ’n goeie bofhou.

Daar is goeie bof-, nader-, plof- en kaphoue gespeel deur die 132 spelers wat op Vrydag, 8 September by Witbank Gholfbaan op ’n snikhete dag afgeslaan het.

Burger Olivier het die Hoër Tegniese Skool se gaatjie beman met genoeg lekkergoed om die nodige energie vir die dag te verskaf.

“Die dag is grotendeels aangebied om fondse in te samel vir ’n nuwe Astro-baan wat die skool beplan om te bou,” het Tienie Prinsloo, een van die organiseerders gesê.