Die Afrikaanse Protestantse Kerk het die eerste week van lente gevier met ’n Genadefees.
Die geselligheid op 3 September was vol musieknote, gelag en tafels vol tuisgebakte koekies en beskuit.
Die kerksaal was volgepak met lekker kosse, onder andere pannekoek, potjiekos, jaffels, pap en kaiings en kerrie-en-rys.
Behalwe vir dit, was daar ook ‘klere op ’n hanger’ wat te koop was.
Vir die boekwurms was dit ook definitief die plek om te wees met ’n hele stalletjie vol tweedehandse boeke wat gewag het vir hulle nuwe eienaars.
Buite die saal was lekker vars jaffels gemaak en kinders het met groot glimlagte op die gras gespeel.
Die fees was ʼn gesellige groot sukses en is perfek saamgevat in die woorde van die ‘DJ’ vir die dag, Kobus Retief: “Ek geniet die samesyn wat elke jaar hier is. Die fees is verskriklik lekker.”
Deel jou nuusbrokkies met ons
Telefoon: 013 656 2490 Epos: info@witbanknews.co.za
Of volg ons op sosiale media platforms
Instagram Twitter Witbank News App Facebook page Witbank News Breaking
