Seekoeie kuier-kuier nou in poele water langs die ou-Middelburgpad
Die twee seekoeie wat al deel van eMalahleni geword het, is nou bietjie uitgekuier op Jumbo van der Merwe se plaas en het na die poel water langs die ou-Middelburgpad geskuif.
Die twee seekoeie wat hul intrek in April in eMalahleni geneem het, kuier nou al langs die ou-Middelburgpad af.
Die twee seekoeie, wat Jumbo en Jakkie gedoop is, het eers hul intrek op Jumbo van der Merwe se plaas gemaak en al te lekker daar in sy plaasdam ‘uitgekamp’.
Hulle het later besluit om die Vader Cloete rondte te doen en het in ’n dam langs die Verenapad geëindig.
Dit was nie lank nie of die twee was terug.
“Ek gaan hulle herdoop,” het mnr. Piet Wassenaar gesê.
Piet, wat ’n permit van die Mpumalanga Toerisme en Parke Agentskap het, het gedreig om die twee te herdoop na Bonnie en Clyde.
“Hulle is so dierbaar, maar so gevaarlik en saai net verwoesting waar hulle kom,” het Piet gesê.
Hy het genoem dat elke keer wanneer die planne in plek is om hulle te hervestig na ’n veiliger plek toe, hulle ewe rustig wegstap na die volgende kuierplek toe.
As jy môreoggend opstaan en jou grensdrade is plat en jou groentetuin lyk soos ’n sandput, dan moet jy weet jy het gasheer gespeel vir die twee ‘stout’ seekoeie.
As jy Jakkie en Jumbo gewaar, kan jy gerus vir Piet bel wat nog steeds van dag een af ’n oog op die twee hou: 082 870 4124.
LEES MEER
Deel jou nuusbrokkies met ons
Telefoon: 013 656 2490 WhatsApp: 060 866 8682 Epos: info@witbanknews.co.za
Of volg ons op sosiale media platforms
Instagram Twitter Witbank News App Facebook page Witbank News Breaking