Die twee seekoeie wat Middelburg die afgelope naweek op hol gehad het, het eMalahleni toe ‘getrek’.
Mnr. Piet Wassenaar het vroeg vanoggend uitgery na mnr. Jumbo van der Merwe se plaas Gedeelte 9 van die plaas Leeuwpoort op die Zaaihoekpad nadat die seekoeie gisteraand daar opgemerk is.
“Die twee was nie eers 40m van my voordeur af nie. Een van my plaaswerkers het hom asvaal geskrik toe hy op die seekoeie afkom wat eers lekker in die kikoejoegras gewei en toe rustig afgewandel het dam toe,” het Jumbo vertel.
Piet het gesê die twee ‘skaam’ seekoeie het geduik toe hulle die mense aan wal sien.
“Ons waarsku mense om versigtig te wees. Seekoeie is nie jou speelmaat nie,” het Piet gesê.
Voordat die seekoeie besluit het om op Jumbo se plaas te kom plak was hulle by die bruggie by Botshabelo in die Middelburg omgewing opgemerk.
Deel jou nuusbrokkies met ons – Telefoon: 013 656 2490, WhatsApp: 060 866 8682 of Epos: info@witbanknews.co.za
Volg ons ook op dié sosiale media platforms: Instagram, Twitter Witbank News App Facebook page Witbank News Breaking
