Ure se voorbereiding en harde werk het vir die dansers vrugte afgewerp en hulle is beloon met medaljes waarvoor plek in die reeds oorvol vertoonkaste gemaak moet word.
Kiara Solomon het ’n kruiwa nodig gehad om haar vyf goue medaljes vir solo, 10 goue medaljes vir groepsdanse en twee goue medaljes vir duet huis toe te dra.
Lizzy Venter het vier goue medaljes verwerf vir groepsdanse.
Anchen Bezuidenhout kan dans en laat die kamera ook kliek. Sy het vir solo drie goue medaljes ontvang en groepsdanse sewe. Vir Eisteddfod drama het sy met vier goue medaljes weggestap, vir modelwerk twee goue medaljes ontvang en vir fotogenies vier goue medaljes. In totaal was dit 20 medaljes.
Andrea Coetzee het ses medaljes ontvang vir groepsdanse, twee vir solo en ’n goue medalje vir fotogeniese modelwerk.
Teen Marizelle van Heerden se muur hang vyf goue medaljes vir groepsdanse en een silwer medalje vir solo.
Zané Peake het ’n silwer medalje ontvang vir solo en vyf goue medaljes vir groepsdanse.
Méa Peake is baie trots op die silwer medalje vir solo en vyf goue medaljes vir groepsdanse wat sy verwerf het en Tenika Muller se 11 goue medaljes en twee silwer medaljes laat haar breëbors glimlag.
Grizelda Coetzee spog met 16 goue medaljes, vyf vir solo dans, twee vir duet, sewe vir groepsdanse asook vir modelwerk en fotogeniese modelwerk.
Lunique Kriek het agt goue medaljes verdien. Drie vir solo danse en vyf vir groepsdanse.
Mieke Wright het twee goue medaljes verwerf vir groepsdanse.