Die jaar se ‘Outdoorsman Winter Bass Skin’ het die rekord gebreek met die meeste hengelaars wat al ooit ingeskryf het vir die kompetisie.
Agt-en-sestig hengelaars het lyne in die water gehad by die Maanligoord op 19 Junie.
Alhoewel die oggendson saam met ’n snerpende windjie beweeg het, het die koers deur die res van die dag gedraai.
Die vis het goed hoek gevat, daarvan getuig die sakke vol wat ingeweeg is.
’n Totaal van 202 swartbaars is geweeg en die vyf rondtes se totale gewig het gestaan op ’n allemintige 114kg.
Die uitslae vir die dag was as volg:
Skin 1:
AJ van der Walt met 1,193kg
Corne Schoeman met 0.891kg
Welman van Niekerk met 0,847kg
Skin 2:
Dilano Girado met 1,564kg
Jacques Schoeman met 1,020kg
Riaan van Niekerk met 0,966kg
Skin 3:
Calman met 1.015kg
Davin Ross met 0,886kg
Steven Carlson met 0.769kg
Skin 4:
Dane Allen met 1,613kg
Clinton Fleming met 1,226kg
Daryl Thomson met 1,209kg
Skin 5:
Hannes Schoeman met 1,405kg
Dilano Girado met 1,275kg
Johan Otten met 1,265kg
Die grootste vis gevang op die dag was ’n volle 1,613kg en is deur Dane Allen uitgetrek. Corne Schoeman is aangewys as die wenner onder die dames met ’n vis van 0.891kg.
Die kleinste vissie is deur Boela Lourens gevang met ’n gewiggie van 0.078kg.
“Ek wil net graag die borge en al die deelnemers bedank wat die dag bygewoon het. Julle het dit ’n groot sukses gemaak,” het Theuns Brecher, organiseerder, ten slotte gesê.
