Helpende Hand skenk R10 000 aan AGS Neo Doxa

Die dames van WOW (Women of Worth) het weereens daarin geslaag om 15 ondersteuners vir Helpende Hand te werf

Van links (agter): Rachel Fourie, Maryna Viljoen, Michelle Viljoen, Gina Wehmeyer en Alta Lourens; (voor) Melissa Nel (Assistent Streeksorganiseerder vir Mpumalanga en KZN Noord), Michelle Seitz (WOW), Stompie Raath (WOW) en Annemarie van Heerden (Streeksorganiseerder vir Mpumalanga en KZN Noord asook ‘n lid van die WOW damesgroep).

Solidariteit Helpende Hand is bekend vir hul oop hande, om te gee en te poog daarin om behoeftiges uit die put van armoede te trek.

Helpende Hand het op Vrydag, 14 Februarie aan AGS Neo Doxa, ‘n tjek van R10 000 oorhandig.

Die dames van WOW (Women of Worth) het weereens daarin geslaag om 15 ondersteuners vir Helpende Hand te werf.

“Dit is wanneer ons vir ‘n nie-winsgewende organisasie, kerk, skool ens. ‘n geleentheid gee om ‘n projekbefondsingsplan te registreer, waarin daar 15 Helpende Hand ondersteuners deur hul gewerf word, met ‘n debietorderaftrekking van minstens R50.00 per maand. Wanneer hierdie ondersteunerwerwing dan suksesvol verhaal is, gee ons aan die entiteit ‘n bedrag van R10 000 om weer terug te ploeg vir hul geregistreerde projek,” het Melissa Nel, assistentstreeksorganiseerder verduidelik.

Vir meer inligting rakende ons projekte of om betrokke te raak by Helpende Hand, kontak gerus vir Annemarie van Heerden (Streeksorganiseerder) by annemarie@helpendehand.co.za of vir Melissa Nel (Assistent Streeksorganiseerder) by melissa@helpendehand.co.za of 072 660 7345.