’n Slagoffer van verkragting loop met letsels nadat haar lewe verlede week byna uitmekaar geskeur is. Op Dinsdag, 19 Julie het die slagoffer na bewering omstreeks 10:45 in Klarinet, naby die industriële gebied geloop.
Sy het die aandag getrek van ’n onbekende man met ’n jas en hy het voor haar kom staan met sy baadjie oopgevlek. Hier het die slagoffer se oog twee vuurwapens gevang en sy het gedoen soos die beweerde verkragter beveel.
Hy het na bewering aan haar gesê om nie te skree nie, want dan sal hy haar skiet. Sy moes ook saam met hom loop tot by ’n veld met baie omliggende bome, daar het hy haar glo beveel om haar klere uit te trek. Hy het haar na bewering net een keer verkrag.
Hy het haar glo ook gevra of sy swanger is, waarop sy ‘ja’ geantwoord het en hy het glo aan haar gesê dat sy gered is deur die feit dat sy ’n baba verwag.
Sy het in ’n verklaring aan die polisie gesê dat die verkragter daarna haar selfoon gesteel haar terug na die pad toe gestoot het. Hy het daarna in die bosse in verdwyn.
Die saak word verder ondersoek deur die Witbank Polisie.
LEES OOK:
14 jarige word ma na verkragting
Gepeuter tot verkragting
