’n Hokkie stok geteken deur die span, ’n bal, sy hokkiehemp en ’n boks vol briewe wat geskryf is vir die gesin is Woensdag 18 Maart neergesit op die plek waar Francois die vorige dag deur weerlig getref is.
Later die dag om 18:00 het leerlinge, onderwysers, ouers en vriende bymekaargekom op HTS se paviljoen waar ’n klein diens plaasgvind het.
Na die diens is almal na die plek op die A-rugbyveld waar Francois getref is. Hiér is blomme neergesit en kerse aangesteek waarna Chinese lanterns aangesteek en die lugruim ingestuur is ter nagedagtenis.
Die eerste hokkiespan, waarvan Francois deel was, het elk ’n spesiale armband ontvang sodat hulle, hulle ‘Gravy’ (sy bynaam) sal onthou. Die span het ook ’n nuwe hemp vir die Clarence-gesin laat maak en hulle het ook elkeen ’n slot teen die heining wat die twee velde verdeel, aangesit.
Op Donderdag 19 Maart kon die leerlinge van die skool ’n swart band om hulle arms dra het en die dogters het ’n swart strik in hulle hare gedra.
