Water orals, maar nie ’n druppel om te drink

Liewe eMalahleni-inwoners, wees bly, die munisipaliteit het nog ’n opwindende wateronderbreking aangekondig.

Net betyds vir die warmer lentedae wanneer ons almal op ons lekkerste wil ruik, nie soos ’n ashoop besmet met mynstof nie.

Vanaf Donderdag, 12 September tot Saterdag, 14 September, moet jy jou gereed maak om jou in jou eie stank te verlustig, want die drinkbare kraanwater – wat niemand in elk geval meer drink nie, sal af wees – weer, of liewer nog stééds.

Na 10 waterlose dae in ’n ry, het ons gedink ons is klaar, maar nee!

Die elektriese substasies wat die water pomp, het ’n bietjie aandig nodig, want wie het voorafbedagsaamheid nodig, reg?

So, berei voor vir ’n stinkende naweek, en laat ons ernstig wees, waarskynlik ’n paar ekstra dae, want ons weet almal hoe dit gaan.

Almal sal stom geskok wees as daar werklik na twee dae regtig weer water is.

Die munisipaliteit vra ons vriendelik om water spaarsamig te gebruik, asof daar enige water is om te mors in die eerste plek.

Natuurlik vra hulle om verskoning vir die ongerief, asof daar ’n keuse is.

Maar dink aan die silwer randjies, een van die dae gaan dit reën.

Dan kan al die inwoners van eMalahleni om een van baie slaggate bymekaarkom vir ’n braai en ’n bad.

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste: www.witbanknews.co.za

Jy kan ons ook volg op sosiale media platforms: Facebook Twitter of Instagram