Welkome verligting vir motoriste namate brandstofprys daal
Welkome verligting vir motoriste aangesien petrol- en dieselpryse môre daal.
![](https://images.caxton.co.za/wp-content/uploads/sites/105/2024/09/sw320-780x470.jpg)
Motoriste kan môre, Woensdag, 4 September, by vulstasies regoor die land ’n sug van verligting gee, aangesien die koste van petrol, volgens die departement van minerale en energiebronne, met 92 sent per liter gaan daal.
Diesel sal met tussen 79 sent en R1,05 per liter verminder.
Paraffien sal ook met R1,03 per liter daal.
Dit is die vierde agtereenvolgende maand dat pryse gedaal het weens die laer wêreldwye Brent-ruoliepryse, waarop Suid-Afrika sy brandstofpryse elke maand grond.
Hierdie aanpassings sal die prys van petrol in Suid-Afrika se binnelandse gebiede afbring tot R21,79 per liter vir die 93-oktaangraad, en R22,19 per liter vir 95-oktaan.
Gemiddelde Brent-ruoliepryse het van $83,55 tot $78,54 per vat gedaal, hoofsaaklik as gevolg van groot olieproduserende lande wat hul produksie verhoog het.
Die Rand het ook op die wêreldmarkte versterk van gemiddeld R18,23 tot die dollar die afgelope maand tot R18,05.
Het jy meer inligting oor dié artikel?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.