Geloftefeeste goed bygewoon in eMalahleni en Balmoral
Die Slag van Bloedrivier is die naweek herdenk.
Vanjaar se Geloftefees het almal aan die praat.
Meer as 32 000 mense het die Geloftedag by die Voortrekkermonument bygewoon.
Met die inwyding van die Monument in 1949 het 250 000 mense die verrigtinge bygewoon.
Die 150-jaar-herdenking van die Groot Trek in 1988 was die tweede grootste Geloftedag, het dr. Danie Langner, besturende direkteur van die Voortrekkermonument gesê.
Op die plaaslike front was daar drie Geloftefees-geleenthede aangebied.
Witbank Geloftefees het by die NG Basileia Gemeente (Klipfontein)plaasgevind.
Hiér is die erediens deur ds. Armand van Zyl van Middelburg waargeneem en die feesrede deur Sieg van Huyssteen van Pretoria.
Oorkant die Portuguese-saal het die vlae skadu’s oor die ossewaens gegooi wat reeds ’n week al by die feesgronde van dié Geloftefees uitgestal is.
Soos altyd het die publiek kans gehad om ’n kykie in die wêreld van die Voortrekkers te kry.
Moerkoffie het die lug gevul met die heerlikste geure, daar is boerebrode gebak en boerseep gemaak.
Ds. Ben Strijdom het dié diens gelei.
Op Balmoral het ds. Gawie Coetzee meer uitgebrei oor die geskiedenis van Bloedrivier.
Hy het ook die diens waargeneem.
Het jy meer inligting oor dié artikel?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.
