Die vrou wat daarvan verdink word dat sy haar ma en suster twee jaar terug koelbloedig doodgeskiet het, wil haar pleit verander.
Me. Yvette Burger (39) se advokaat mnr. Makitimela Nkadimeng het Donderdag 22 Maart aangedui dat sy kliënt skuldig wil pleit op die moord.
Tydens een van haar vorige verskyning het sy onskuldig gepleit.
Burger het glo haar ma, Ester Burger (62) en 35-jarige suster Caren in die vroeë oggendure van 20 Augustus 2016 met haar ma se 9mm geskiet.
Haar pa, mnr. Lloyd Burger het gesê hy het geslaap toe die tragedie afgespeel het.
“Ek het daai aand vyf sterk whiskeys en slaappille gedrink Ek was uit soos ’n kers Ek het eers wakker geword toe twee mans aan my kamervenster klop en my vra of alles orraait is,” het hy vertel.
LEES OOK:
Burger moord – een getuie geroep
Burger word volgende jaar verhoor
Mnr. Burger het in ’n onderhoud met WITBANK NUUS in 2016 gesê hy was hard op sy twee dogters en hulle het vroeër die aand ’n rusie gehad omdat hy wou hê hulle moes uit hul ouerhuis trek en op hul eie bene staan.
“Ek en my vrou was op pensioen en ek wou ’n kleiner huis koop vir ons twee. Die twee meisiekinders het by ons gebly en net R1 000 ’n maand elk betaal vir huur. Dit het alles ingesluit, wasgoed, etes en DSTV. Hulle het ook my voertuie gebruik. Na die onderonsie het ek die rugby gekyk, ’n paar drankies, twee slaappille gedrink en gaan slaap.”
Intussen het een van die buurtwaglede, mnr. Stanley White, van Del Judor ’n oproep ontvang van ’n vrou, wat verkies om anoniem te bly, wat gesê het haar vriendin het haar gebel en gesê sy het haar ma en sussie geskiet.
Lees die volle artikel in die nuutste WITBANK NUUS.
Nou beskikbaar op die winkelrakke.
