Helpende Hand se kombers-insameling gaan baie mense warm hou
Daar is 237 komberse ter waarde van R28 900 ingesamel, asook nie-bederfbare kosprodukte ter waarde van R3 000
Die plaaslike Helpende Hand (HH) tak het verlede naweek die koue kaalvuis trotseer in ’n poging om komberse bymekaar te maak vir minderbevoorregtes.
Lede van die tak het Vrydagaand, 26 Mei in die parkeerarea voor Saveways Spar gebibber en beef, sodat mense vir hul komberse kon bring.
Daar is 237 komberse ter waarde van R28 900 ingesamel, asook nie-bederfbare kosprodukte ter waarde van R3 000.
“Die komberse en kos gaan uitgedeel word aan dié wat dit nodig kry die winter,” het me. Jackie Potgieter van HH gesê.
HH bedank elkeen wat die moeite gedoen het om komberse te bring en ook kos-skenkings gemaak het.
As daar nog mense is wat komberse wil skenk, kan hulle gerus vir Jackie by 076 469 3724 skakel.
Het jy ’n storie om te vertel?
Stuur vir ons ’n epos na info@witbanknews.co.za of bel ons by 013 656 2490
- Vir meer brekende- en gemeenskapsnuus, besoek gerus ons webtuiste.
- Jy kan ons ook volg op sosiale media platforms: Facebook, Twitter of Instagram
HET JY GEWEET?
Kliek op die woorde wat in kleur uitgelig is om meer te lees oor verwante temas.
