Blancheville-gemeenskap vat hande en maak skoon
Hulle wil graag die lede wat wel gehelp het, bedank en ook die lede wat finansieël bygedra het
Die lang grasse van Blancheville was reeds voorheen in die nuus.
Dit is egter nie die enigste buurt in dié toestand nie, maar die Blancheville-inwoners het besluit om saam te staan en die lang grasse te begin sny.
Hulle het Saterdag, 9 Maart in Raadsaalstraat afgeskop en Monica Potgieter, onder-voorsitter van die Blancheville-buurtwag het gesê: “Die Blancheville-gemeenskap gaan begin saamstaan om die buurt ’n beter plek te maak, en ook om die buurt weer ‘spiekerish’ te laat lyk.”
Mnr. Johan Zwart, voorsitter van die Blancheville-buurtwag ondersteun deur South African Community Crime Watch (SACCW) het gesê dat hulle ’n beroep op die gemeenskap gedoen het om by te dra om die buurt skoon te maak.
Hulle wil graag die lede wat wel gehelp het, bedank en ook die lede wat finansieël bygedra het.
“Ons doen wat die munisipaliteit blykbaar nie kan doen nie,” het hy gesê.
“Ons beplan om hierdie skoonmaakaksies gereeld te doen, so ons benodig hulp van enigeen wat beskikbaar is.”
