V’niging en NWU Vaal skitter in Presidentsbeker

Die Vaaldriehoek se vaandeldraers in die Valke se Presidentbeker het nie teleurgestel nie

Wouter van der Berg wat sy 50ste wedstryd vir Vereeniging Rugbyklub se eerste rugbyspan gespeel het, rank hoog in die lynstaan teen Boksburg.

VANDERBIJLPARK. – Die eerste rugbyspanne van die Noordwes-Univesiteit se Vanderbijlpark kampus en die Vereeniging Rugbyklub het hul veldtog in die Valke se Presidentsbeker gister met oorwinnings oor Boksburg en Springs afgeskop.

Vereeniging het hul kragmeting met 66-12 gewen voordat die kragmeting in die 72ste minuut weens weerlig gestaak is. Sweef Potgieter, V-town se nuuste aanwins uit die Oos-Rand, het met vier drieë die manne van Vereeniging se aanslag gelei.

Die NWU Vaal Eagles het Springs met 17-7 geklop om tot die volgende rondte van die reeks deur te dring.