VANDERBIJLPARK. – Die voormalige Afrika-hamergooikampioen Alan Cumming, ‘n onderwyser aan die HS Driehoek het gister in Ghana tydens die 13de All African Games ‘n bronsmedalje op sy verjaarsdag verwerf.
Hy het die hamer op die 67.57m merk laat neerplons. Die wenner was Mostafa Mostafa van Egipte met wengooi van 73.65m. In die tweede plek was Anani Mohsen met ‘n gooi van 67.71m wat aan hom die silwermedalje besorg het.