VEREENIGING. – Die welslae wat die Laerskool Risiville tydens die 2023 hokkie-seisoen behaal het, sal nie sommer weer herhaal word nie.
Die Rissies het onder meer ses van die sewe plaaslike ligas gewen. Die skool se eerste spanne het die aanslag gelei met sy eerste dogtersspan wat die Trio, Super 8, D7-liga gewen en as Suid-Gauteng naaswenners uit die stryd getree. Die span het in die proses 78 doele aangeteken en slegs 5 afgestaan.
Die Rissies se eerste seunspan het ook nie ʼn aks teruggestaan nie. Die span het die Trio en Super 8-toernooi gewen en koning gekraai in die D7-liga. Hulle was ook die Suid-Gauteng wenner en het sesde by die Champs of Champs geëindig. Die span het 61 doele in die proses aangeteken en slegs 17 afgestaan.
Die ander Rissie-spanne wat wat die D7-liga gewen het, is: Tweede dogterspan, o.11B, tweede seunspan, o.11 A-span.