![](https://images.caxton.co.za/wp-content/uploads/sites/119/2023/09/380684731_6619961961444113_9058612255185363253_n-780x470.jpg)
VEREENIGING. – Netbal is op skoolvlak die grootste deelname sportsoort in Suid-Afrika.
Dit plaas die prestasie van die 13-jarige Nicole van Wyngaardt, ʼn leerling aan die Laerskool Risiville in Vereeniging, in perspektief.
Die jong netbalspeler is verlede jaar as die beste o.12 netbalspeler in Gauteng aangewys en vanjaar was weer ʼn finalis in die afdeling vir o.13-spelers. Sy was een van drie finaliste wat 20 September by die HS Pretoria Noord tydens Gauteng netbal se toekenningsaand vir 2023 vereer is.
“Ons is baie trots op haar. Om dit twee jaar in ʼn ry te vermag is ʼn groot prestasie,” het haar pa Martn aan Vaalweekblad gesê