VANDERBIJLPARK. – Die Vereeniging Rugbyklub (VRK) het Saterdag 13 Mei op die Bosman-stadion in Brakpan sy stem in die Valke Peregrine Superliga dik gemaak toe aldrie sy spanne Brakpan geklop het.
VRK se jong Kiewiete het die bal aan die rol gesit toe hulle Brakpan in die eerste kragmeting van die dag met 45-5 geklop het.
VRK se tweedes het ook die Oos-Randers oortuigend met 47-14 gewen.
Die hoogtepunt van die dag was egter die eerste span se spogsege met 47-14 oor Brakpan in die hoofwedstryd van die dag.
