VANDERBIJLPARK. – Die Hoërskool Transvalia se atlete het tydens die pasafgelope SA-skolebyeenkoms gewys wat in hulle steek.
Die skool se 10 atlete het hulself goed van hul taak gekwyt met Taylon van Breda (goud: driesprong dogters o/15: nuwe rekord: 11.43m) en 5de plek: 100m-hekkies – 13.26s PB) en Brandon Mathews (goud: gewigstoot seuns o.15 – 18.06m en 8ste plek: diskus) wat aan die spits was.
Die ander atlete wat goed presteer het, is: Jaylin van Dyk (silwer: hamergooi dogters o.17 – 53,47m), Minki Nortje (brons: driesprong dogters o.15 – 11.03m), Selna van As (vierde plek: 1500m dogters o.15 – 04:55.10), Marli Dimond (sesde: 800m dogters o.17), Scharné de Bruyn (sewende: hoogspring: dogters o.19 – 1.60m), Alethea Visser (10de: verspring dogters o.17 – 4,96m), Milan van der Heever (11de: driesprong dogters o.17 – 10,27m) en Mieke Grobler (vyfde: 100m-hekkies dogters o.17 – semi-finaal).
