Vir 30 jaar het mev. Nicky Snyman ‘n naam as uitmuntende haarkapster opgebou. Dit was nog altyd haar passie om met vroue te werk en hulle nie net uiterlike mooi te maak nie maar ook hul harte aan te raak. “Daar is soveel vroue wat net gebed of raad nodig het,” sê sy.
En toe kom ‘n terugslag: Na ‘n slegte skouerbesering moes sy haar skêrre wegpak. Nicky het haar egter nie hierdeur laat onderkry nie en saam met haar man in ‘n sakeonderneming ingegaan: Beaver Pools.
“Ek is oortuig dit was die Here se plan want Hy het soveel vroue heelgemaak deur my, en nou het Hy ‘n nuwe pad vir my reguit gemaak.”
Nicky en haar man glo dat daar pret is waar daar ‘n swembad is. Hulle deel mekaar se geesdrif om swembaddens te bou of te herstel, en ook ander bouwerk te doen. Hul doelwit is om eerlike en goeie werk te lewer en goeie kliënteverhoudings op te bou. Dié gelowige egpaar streef ook daarna om Jesus se naam te verkondig oral waar hulle gaan.
In hul vrye tyd ry hulle graag met hul Adventure-motorfiets en geniet hul “blended family” van ses kinders, drie kleinkinders en nog tweetjies op pad. “Ons is baie geseënd,” sê Nicky.
* Beaver Pools, Jan van Riebeeck Boulevard 46, Vanderbijlpark. Tel: 071 121 6220 of 074 906 0830.
Lees meer oor Beaver Pools op Facebook: https://www.facebook.com/beaverpoolssa
Foto onder:
Nicky aan die werk by een van hul kliënte, Riverside Sun Hotel in Vanderbijlpark
