VEREENIGING – Saterdag, 7 September het al die Vaaldriehoek se Rock aanhangers die geleenheid om drie Rock bands en een Metal band in aksie te sien by die Barnyard teater.
Die Rockfeees skop af met Springbokrugby op die groot skerm en daarna sal Diverted Disorder, Indie Dog, L.A Cobra en die Afrikaanse Rock groep, Mensdom almal op hul voete hou.
Die organiseerder van die vertoning, Hardy Mills (Diverted Disorder) onthou nog die dae toe daar gereeld Rock feeste in die Vaal gehou is.
“Dit was die goue jare vir musiek in die Vaal. L.A Cobra het destyds dikwels hier opgetree en daarom het ek hul uitgenooi vir hierdie fees. Hopelik die eerste van baie.”
Kaartjies is beskikbaar by die ingang teen R150 pp.
You can read the full story on our App. Download it here.