‘n Brand net na middernag by die Dorp Substasie het veroorsaak dat inwoners hul Dinsdag in die donker moes afskop.
Volgens inligting ontvang behoort die NW7 substasie deur die loop van die dag getoets en weer aangeskakel te word.
Die Dorp Substasie wat groot dele van die dorp van elektrisiteit voorsien het egter groot skade gelei:
6 panele 11kv het ontplof; 20 ander panele sal getoets en skoongemaak moet word en die 30mva transformer wat getrip het, sal ook getoets moet word.
Daar is nie ‘n spaar nie en al hierdie werk kan moontlik ‘n paar dae neem.
Inwoners word aangeraai om solank voorsorg te probeer tref vir ‘n paar dae van beproewing.
Die woongebiede wat tans sonder krag sit sluit in:
CW 1,2,3,5,6
Nw7
Bonané
Stephanopark
Flora Gardens
Dele van Bophelong en omliggende kleinhoewes
