Prettig in pienk op die krieketveld
VANDERBIJLPARK - Die Hoërskool Driehoek het onlangs die NCW Pink Day-toernooi aangebied en almal in pienk was die wenner op dié dag.
Dit is die tweede keer dat Hoekies die toernooi op Vrouedag aanbied, met die oog op dogterskrieket-ontwikkeling.
Die spanne wat deelgeneem het is:
Die Daisies (saamgestelde ontwikkelingspan), HS Overvaal, Die Ankerskool, Dr Malan en natuurlik HS Driehoek.
Die uitslae van die dag is:
Daisies vs Overvaal – Daisies wen en Roelien Visser is speler van die wedstryd met 3/2 in 1 beurt
Dr Malan vs Anker – Dr Malan wen en Jessica van Heerden is speler van die wedstryd met 23*
Driehoek vs Overvaal – Driehoek wen en Jorina le Roux is speler van die wedstryd met 1/1 in 1 beurt
Daisies vs Anker – Anker wen en Chantel is speler van die wedstryd met 51*
Driehoek vs Dr Malan – Driehoek wen en Elysia Fourie is speler van die wedstryd met 50*
Ander prestasies
Beste vangskoot – Jade Vrolijk
Beste vennootskap – Driehoek se Metschke Myburgh en Kaylen Erasmus met 108
Speler van die dag – Elysia Fourie
