VANDERBIJLPARK – Udia Grobler (graad twee) het 12 Augustus ‘n skitterende derde plek in die ATKV se Nasionale Redenaarskompetisie behaal vir graad 1 – 3’s.
Die finaal is by die ATKV Klein Kariba vakansieoord in Bela-Bela gehou. Udia was die enigste Vaaldriehoeker wat onder die wenners was en spog nou met ‘n sertifikaat en ‘n spesiale Redenaars Finaal balkie.
Haar tema was: teken is belangriker as wiskunde. “‘n Mens kan nie wiskunde doen sonder tekeninge nie,” was haar enigste kommentaar.
Sy het dit geniet om aan die redenaarskompetisie deel te neem en sê dat sy dit elke jaar gaan doen.
Volgende in haar visier is die Kunstefees waar sy aan verskeie items van lees en voordrag tot by storie skryf gaan deelneem.
Related Articles
