Local newsNewsNewsSport
Die vuiste het geklap, die skoppe was raak
Vereeniging se Stallions het koning gekraai by die Ring Contact Fighting Arts (RCFA) Best of the Best toernooi.
VEREENIGING – Verlede Saterdag het die spanning hoog geloop by Phoenix High School.
Die saal was gepak vir die Ring Contact Fighting Arts (RCFA) Best of the Best toernooi.
Die groot kryt was voor in die saal opgestel, die beoordelaars en amptenare was gereed en die vegters het nie teleurgestel nie.
Veertien klubs, van so ver as Pretoria, Nelspruit en Potchefstroom het aan die toernooi deelgeneem.
Van die jongstes tot die veterane, mans en vroue, het sake uitgespook en uiteindelik het die Stallions van Vereeniging met vier goud, vyf silwer en 80 punte die eerste plek verower.
Die tweede plek is ingeneem deur Radja van Hartswater en in die derde plek was Elite.