AfriForum en sangers beplan Kerskonsert vir Pioneer House se inwoners
Enige sakeonderneming of instansie wat graag ‘n bydrae wil maak deur byvoorbeeld die nagereg, lekkernye, wyn of koeldrank te borg, is welkom om Jan by 082 883 1789 te kontak.
VANDERBIJLPARK. – AfriForum beplan om op 25 November ‘n Kerskonsert vir die inwoners van Pioneer House aan te bied.
AfriForum, in samewerking met verskeie plaaslike kunstenaars, wil graag die jaar afsluit deur vir die inwoners ‘n bietjie pret en genot te verskaf.
Die spitbraai vir die dag word geborg deur Hercules Spitbraai, AfriForum en Pioneer House se bestuur.
Dit is ‘n private geleentheid slegs vir die inwoners van Pioneer House en ‘n paar genooide gaste.
Enige sakeonderneming of instansie wat graag ‘n bydrae wil maak deur byvoorbeeld die nagereg, lekkernye, wyn of koeldrank te borg, is welkom om Jan by 082 883 1789 te kontak.
AfriForum bedank graag die plaaslike kunstenaars wat die dag gratis gaan optree. Hulle is Neels Kriel en die gaskunstenaar Marie, Ruan, Leigh en The Wolfpack met Dave en Ulandi.
********************************************************
