Straatligprojek: Munisipaliteit moet nou sy kant bring

Emfuleni-raadslid Phillip Nothnagel skryf:
Die DA kry geweldig steun vir die straatligprojek onder leiding van raadslid Elise Aucamp, wat behels dat inwoners blou linte om stukkende straatligte moet knoop as aanduiding vir die Emfuleni Plaaslike Munisipaliteit (ELM) om dit reg te maak. ELM moet nou net tafel toe kom om die projek te laat slaag.
Die DA en die Emfuleni Rate Payers Association (ERPA) het die stukkende ligte al male sonder tal by ELM gerapporteer, sonder sukses. Hierdie is nie ‘n DA-verkiesingsfoefie soos sommige mense beweer nie. Die projek sal Emfuleni in staat stel om sy dienslewering aan inwoners te verbeter.
Die tyd vir aksie is nou! Ons kan nie so aangaan nie.
ELM is ‘n mislukte en gebroke Munisipaliteit. Die ANC het ons eens pragtige en vooruitstrewende dorp in ‘n bankrot, donker, vieslike ashoop en rioolput met gate in die plek van strate verander.
Die ANC-beheerde munisipaliteit het niks om op trots te wees nie. Hulle het ons inwoners versaak. Beter gestel in Engels: “They failed the loyal tax payers”.

*********************************************************************************************