VEREENIGING. – Michela Abt het in ‘n hartroerende brief haar dank teenoor Roxanne Groenewald, die “beskermengel” uitgespreek.
Roxanne is die vrou wat gestop het om Michela se hondjie op te tel en in die kar te laai.
Danksy sosiale media kon die eienaar van die hond gevind word.
Michela skryf in die brief: “Dit is met ons innige dankbaarheid en opregte waardering dat ons vir mev. Roxanne Groenewald wil bedank wat Sondagmiddag die 18de April ons hondjie op die Redanpad opgetel het en na haar huis geneem het waar ons hom veilig en ongedeerd kon gaan haal.
“Sy was Sondagmiddag ons hondjie se beskermengel. Ons sal dit nooit vergeet nie.
“Sy naam is nou “Miracle” want dis ‘n wonderwerk dat ons hom veilig by haar gekry het.
“Ons het haar R500.00 gegee uit dankbaarheid.”
