Man gesoek oor skootrekenaars

AfriForum Vanderbijlpark se veiligheidspan vra die publiek om op die uitkyk te wees vir ‘n vermeende rekenaardief.

Die persoon wag glo tot dit baie besig is by ‘n skool, bv. wanneer die skool uitkom en daar baie voetgangerverkeer is. Hy sluip dan ongemerk by kantore in en steel skootrekenaars (“laptops”)

Hy is ‘n bruinman, vermoedelik so iets in sy dertigs. Hy word met verskeie rekenaardiefstalvoorvalle by skole verbind. Die mees onlangse geval was by Laerskool Eligwa.

Indien die persoon gewaar word, skakel asb. dadelik die SAPD. Navrae kan gerig word aan afriforumvdb@gmail.com