![](https://images.caxton.co.za/wp-content/uploads/sites/119/2023/11/404958338_10161921078823923_4728684272263272263_n-780x470.jpg)
SASOLBURG. – Diegene wat Sylvia van Tromp ken sal getuig dat sy pynlik eerlik is en vir niks ‘n aks terugstaan nie.
Sy maak ook geen geheim van Christenskap nie. Sy is ʼn lewende bewys van haar geloof.
Die Vaaldriehoekse blonde Biokinetikus het tydens die afgelope Ironman 70.3 Mosselbaai gewys wat bereik kan word met deursettingsvermoë en geloof toe sy die afdeling vir vroue tussen 40 en 44 jaar in ʼn goeie tyd van 5:21:05 gewen het. Sy het boonop algeheel vierde in die vroue-afdeling geëindig.
![](https://images.caxton.co.za/wp-content/uploads/sites/119/2023/11/405800485_10161921078598923_6825405776632384620_n.jpg)
Maar maklik was dit beslis nie. “Ek moet eerlik wees, twee weke voor die wedren was my selfvertroue baie laag. My liggaam het nie op stimulasie reageer nie en my tye op die fiets was nie goed nie, “ erken sy ruiterlik.
“Ek moes my fokus verskuif van werk hard vir God nie vir diegene om jou nie. Sukses val nie uit die lug uit nie. Ek oefen hard en dien ʼn groot God.”
![](https://images.caxton.co.za/wp-content/uploads/sites/119/2023/11/405802355_10161921078898923_920015716831573949_n.jpg)