Springs Rugbyklub het op 13 April gasheer gespeel vir Meyerton in die Presidentsliga.
Springs se tweede span het hulle wedstryd met 65-14 gewen.
Springs se eerste span het op hulle beurt met Meyerton se eerste span met 53-12 afgereken.
Meyerton het op tye meedoënloos aangeval maar Springs se verdediging was reg deur die wedstryd dodelik.
In die eerste helfte het Springs 33-0 voorgeloop.
Meyerton het in die tweede helfte verbete teruggeveg en kon daarin slaag om twee keer agter Springs se doellyn te kuier.