Riool lekkasie in Strubenvale strek oor jare
Die rioolprobleme in Strubenvale Uitbreiding is 'n kopseer vir byna 'n dekade.
Riool lekkasies in die dorp is ‘n kommerwekkende kwessie wat aansienlike gesondheids- en omgewingsrisiko’s inhou.
Die inwoners van Strubenvale Uitbreiding raak al hoe meer gefrustreerd met die rioolprobleme wat dié gebied vir byna ‘n dekade lank al teister.
Die riool wat net voor die woongebied se brug voorkom, skep nie net onaangename reuke nie, maar kan ook tot ernstige gesondheidsprobleme lei.
Swaar reënval het al voorheen daartoe gelei dat die brug oorstroom wat die pad vol riool laat en gevaarlike toestande vir voetgangers en motoriste skep.
LEES OOK: Keep your guard up when entertaining outdoors
Boonop is ‘n groot stuk van die veld aan die kant van die pad heeltemal onder rioolwater, wat ‘n onaangename stank veroorsaak.
Die Springs Advertiser het vier jaar gelede ook oor hierdie probleem berig en dit blyk of daar steeds geen poging aangewend is om die rioolprobleem op te los nie.
Kommentaar was van die Stad Ekurhuleni versoek maar teen druktyd was nog geen kommentaar rakende dié probleem ontvang nie.
LEES OOK: Springs Muslim School visits local orphanage
