Leerders baat by tassie projek

Behoeftige Graad Eens word jaarliks deur die tassie projek bygestaan.

Die voorsitter van Solidariteit Helpende Hand se Springs-tak, Martie de Villiers het onlangs van die tassies aan die hoof van die Laerskool Selection Park, André du Plessis oorhandig.

Talle leerders het onlangs weer baat gevind by Solidariteit Helpende Hand se jaarlikse Skooltassie-projek.

Solidariteit Helpende Hand het weer met hul projek gesorg dat talle Graad Een leerders reg is om die akademiese jaar aan te pak.

Die projek is daarop gemik om behoeftige Graad Eens te bemagtig om die skooljaar op dieselfde vlak as hul maats te kan begin.

Skole in Springs wat van die tassies ontvang het die Laerskole Selection Park, Jan van Riebeeck, Christiaan Beyers, PAM Brink asook WK du Plessis Skool ingesluit.