RSG bied kunsfees aan op luukse passasierskip.‘
’n Uitgesoekte groep Afrikaanse kunstenaars sal passasiers op ’n luukse passasierskip vanaf 15 tot 19 Maart vermaak.
![](https://images.caxton.co.za/wp-content/uploads/sites/28/2019/03/msc-opera.jpg)
’n Uitgesoekte groep Afrikaanse kunstenaars sal passasiers op ’n luukse passasierskip, die MSC Opera, vanaf 15 tot 19 April met die Oppiewater Kunstefees vermaak.
Die luukse passasierskip sal van Durban se hawe vertrek en tot by Mosambiek seil en dan weer na Durban terugkeer.
Amanda Strydom se hoogsbekroonde musiekverhoogstuk, State of the Heart, wat in 1993 geskryf is en al regoor die land, selfs op treine, opgevoer is, sal op April 15 op die skip opgevoer word.
Hierdie musikale verhoogstuk vier die Afrikaner tradisie en die karakter van liefde.
Ander kunstenaars wat met hulle stemtalent gaan vermaak sluit in Amore Bekker, Coenraad, Riaan van Rensburg, Alwyn Oberholster, Jaconel Mouton en Christo Snyman.
Anna Davel sal met haar sielvolle stem bekoor en Brendan Peyper gaan ’n opvoering lewer wat hulde aan Buddy Holly bring.
Also read: Gauteng Opera presents Opera Scenes – Visiting Germany
Gaste gaan na toendertyd teruggeneem word met die liedjies wat Christo Snyman gaan sing.
Dit sluit in Streets of London en Where do you go to my lovely?
RSG sal daagliks die opvoering van die dag, asook hul drama programme, vanaf die dek van die skip uitsaai.
Amore Bekker gaan by hulle met haar weeklikse program, Vroue, God en Kos, aansluit.
Johnny Klein sal uittreksels uit Ferdinand Deist se nuwe boek van kortstories lees.
Die boek heet Die Pomporrelkonsert.
Also read: Laugh until the tears stream with two of Afrikaans comedy’s funniest characters
Pieter Smith gaan sy program Die Storie van Afrikaanse Musiek aanbied.
Rina Hugo, Johan van Rensburg en Riaan van Rensburg gaan Die van Rensburg Familiekonsert aanbied.
Die digter en dramaturg Eugene Marais se verhoogstuk Uit die Bloute gaan ook opgevoer word.
Daar sal ook ’n huldeblyk aan wyle kunstenaar Randall Wicomb deur André Terblanche, Tereza du Plessis en Kyle Seconna aangebied word.
Follow us on our social media platforms: