Welgedacht ringbalspanne vaar goed in liga wedstryde
Die Welgedacht ringbal spanne het Saterdag, 11 Julie, goed gevaar op hul tuisbaan tydens die Ekurhuleni-Oos Ringbal Vereeniging se liga wedstryde. Twee van Welgedacht se vroue-spanne, A1 en A2, het teen mekaar te staan gekom in ‘n titaniese stryd. Die jonger span het met die A1-span afgereken en ’n naelskraap oorwinning van 28-26 behaal. Welgedacht …
![](https://images.caxton.co.za/wp-content/uploads/sites/28/2015/07/29srRing3ar_29975.jpg)
Die Welgedacht ringbal spanne het Saterdag, 11 Julie, goed gevaar op hul tuisbaan tydens die Ekurhuleni-Oos Ringbal Vereeniging se liga wedstryde.
Twee van Welgedacht se vroue-spanne, A1 en A2, het teen mekaar te staan gekom in ‘n titaniese stryd. Die jonger span het met die A1-span afgereken en ’n naelskraap oorwinning van 28-26 behaal.
Welgedacht se A mansspan het hul wedstryd teen Anker gewen met ‘n weghol telling van 52-12.
Klub sekretaresse Sus Louw, sê die Welgedacht mansspan is boaan die liga se bepalingslys.
Die A vrouespanne lê onderskeidelik in die eerste en tweede plekke op die bepalingslys.
Op 7 Augustus word die Ekurhuleni spanne aangekondig wat van 5 tot 9 Oktober aan ‘n toernooi in Margate, KwaZulu-Natal gaan deelneem.Tydens die nasionale toernooi in Margate sal die Suid-Afrikaanse uitnodigingspanne aangekondig word.
Volgens Louw word daar uit die SA se uitnodigingspanne weer senior en o/17 internasionale spanne gekies wat SA in Mauritius in November sal verteenwoordig.
“Aangesien ringbal ‘n familie sport is, kan oud en jonk deelneem vanaf ouderdomme o/11 tot by die meester-spanne wat 45 jaar en ouer is,” sê Louw.
Enige iemand wat belangstel om by die klub aan te sluit kan Sus Louw kontak by 071 362 8920.