Baklonyelisiwe abohlelo lokulungiswa kwezikole
IZIKOLE zase-Upper South Coast bezibambe umbungazo ogujwa minyaka yonke wokuklomelisa labo abenze kahle ekulungiseni izikole zabo. Lombungazo bewubanjelwe ngoLwesihlanu lomhlaka 1 enyangeni ka-November esikoleni samabanga aphansi iPhindela eseFolweni. Loluhlelo lokungenela umqhudelwano wokulungiswa kwezikole seluneminyaka engu-21 lwaqala kanti-ke nezikole zilungenela ngokuzithandela. Kuleminyaka engu-21 lwaqala loluhlelo belukhula ngesivinini ngenxa yokuxhaswa umnyango wezempilo, iDurban Solid Waste, umnyango wezoLimo …
![](https://images.caxton.co.za/wp-content/uploads/sites/39/2014/06/school-1.jpg)
IZIKOLE zase-Upper South Coast bezibambe umbungazo ogujwa minyaka yonke wokuklomelisa labo abenze kahle ekulungiseni izikole zabo. Lombungazo bewubanjelwe ngoLwesihlanu lomhlaka 1 enyangeni ka-November esikoleni samabanga aphansi iPhindela eseFolweni.
Loluhlelo lokungenela umqhudelwano wokulungiswa kwezikole seluneminyaka engu-21 lwaqala kanti-ke nezikole zilungenela ngokuzithandela. Kuleminyaka engu-21 lwaqala loluhlelo belukhula ngesivinini ngenxa yokuxhaswa umnyango wezempilo, iDurban Solid Waste, umnyango wezoLimo kanye nokongiwa kwemvelo ngokubambisana nomkhandlu weTheku.
Ngaloluhlelo kuhloswe ukuba kuthuthukiswe indlela yokuphila ecophelelayo ngakwezempilo kanye nokufundisa abafundi ukuba bazinakekele izimpilo zabo. Ithimba eliqhamuka ezinhlakeni ezixhasa loluhlelo zivakashela izikole ezingenela lomqhudelwano kathathu ngonyaka. Imikhakha ebhekwa iloluhlelo kuba izingadi ezivelele, izindlu zangasese ezicocekile, amagceke ahlanzekile kanye namagumbi okufundela ahlanzekile. Lemikhakha izithwalise kanzima izikole njengoba bekunguwashiywa ngendlela ebezizimisele ngayo.
Isikole esiziqwaqwade zonke emakhanda kube i-Mthombeni Primary School, elandelwe i- Phindela Primary School, kwathi i-Yiboni Primary School yathatha indawo yesithathu. Isikole esithole umklomelo wokunyusa amasokisi kulomqhudelwano walonyaka kube i- Adams Primary School. Umklomelo womhleli obabaqwaqwade bonke kube uMnuz Ndlovu kanye noNkk Gumede basePhindela.Uthishanhloko wase-Adams uMnuz. Zungu ukhale wemuka nomklomelo wokuba uthishanhloko obeseka kakhulu abafundi bakhe kuloluhlelo.